| |
| Eklenme Tarihi: 29.12.2007 Saat: 21:58 |
|
|
Tu yekem car bû Zerdeşt
Û fikrên azad ji nav diranê
Zilmdar û hovan ava dikir
Û te nigê xwe li sofraya
Pir xwedayan dixist
Te nigê xwe li koletiya li ser
Sofra ya hatiye pêşkêş kirin
Û li pê wê tu dibû baz
Û te singa xwe li ezmanên reş
Ewrên baranî dixist
Û tu berbi rojên azad
Berbi xwezaya welatê min
Warê dîroka şaristaniyan ve difîriya
Li pê wê te agir jî û roj jî
Ji mirovahiyê re tanît
Û te navê xwe li ser
Sînga rojê dinivîsand
Te agir di dilê xwe de mezin dikir
Tu dibû ronahî ji şevên tarî û hişk re
Tu dibû germahî ji şevên sar û dirêj re
Te hêvî li ser rûyê
Kulîlkên li ber hişkbûnê ye direşand
Te ji nûve bi ken dikir
Rûyê beybûnên welatê min
Te hêvî ji nûve diçand di
Kokên darên mazî de
Tu dibû mizgîniya rojên
Di nav azadiyê de
Tu dibû mizgînî
Ji rûyên serhemî re
Te evîna xwe ber dida
Nava deryayan
Û te li ber pêlên xwe dixist
Keştiyên zilmê
Lîmanên xirabiyê
Te ji nûve hêvî li
Çemên mîna firat û dîcle
Belav dikir
Hesretiya ava zelal
Hesretiya te bû
Li pêy wê tu dibû bilbil
Û te dilorand axîna gelên bindest
Te distra stranên evîndariya azadiyê
Te baskê xwe li bayê
Bêdengiya rojên sar dixist
Û tu dibû hêlîn ji bêkes û sêwiyan re
Û tu berbi rojê ve difiriya
Tu dibû xwezaya welatê min
Û te di rehên xwe de
Hêviya jiyanek azad
Tê hêviyê hezar salan di rehên
Xwe de mezin dikir
Û te pelê xwe li ber
Bayê dîrokê ve dixist
Û berbi rojên azad ve
Te dişand hêviyên azadiyê
Di nava seqema Çiyayên Zagrosan de
Te hesretiya welat bi
Şewata dilê xwe germ dikir
Û te Împaratoriya berxwedanê dikir
Li hemberî xwedayên derewîn
Li hemberî ewrên reş
Li hemberî ezmanên bê rehm
Mîna xwedawend Prometheus
Dil tijî hêvî
Çav tijî hêrs
Û mejî tijî girêdan
Tu berbi ezmanan ve difiriya
Berbi ezmanên azadiyê
Berbi rojê, dil tijî evîn
Te xwe dikir sîî
Di şewata havîna germ de
Tu dibû hesretiya welat
Û tu berbi welatê hêviyan ve diherîkî
|
|
 Yazdır  Yorum Ekle
(Not: Yorum sadece üyeler tarafından yazılabılınır. Yazılan yorumlar yönetim tarafından onaylanmak için beklemeye alınıyor.) |
|
|
|
 |
| |
|
Kurdish
Turkish
Download
En Popüler
En İyi
Ekle
