Ev der Amed e, li vir zarok bi keviran dileyîzin; bi kevirên mirinê. Ev der Amed e, li vir zarok bi mirinê dileyîzin. Bi destên xwe yên xav kevirên ji temenê xwe mezintir davêjin bi ser agir de; li vir zarok bi agir dileyîzin: Dinya yarîgeheke lal, Kurdistan kevirekî bi destê zarokan. Ev der Amed e, serhildan e.
Ev der Amed e, zarokên rûqemer, siberoja kurdan, di spêdeya Newrozeke bêdeng de, di destan de kevir, di çirûska çavê wan de hêrseke nevavkirî, zarok li vir bi keviran dileyîzin; bi kevirên li kolanan. Bi keviran diaxivin.
Ev der Amed e, li vir navê serhildanê zarok in; ew li ber sûr û bedenên westiyayî yên Diyarê Biagir vê carê li hemberî robokotên ji asin, di ber xwe didin, bi tiliyên biçûk, bi kevir. Ev der Amed e, li vir zarok bi kevir dileyîzin; bi ser kevir de jî gule dibarin.
Ev der Amed e, li vir li ber lûliya tivengan vê carê zarok tên kuþtin. Leyîzeke gelekî bêwijdan.
Ev der Amed e, hembêza xwe ji bihareke re nû re vekirî. Dilê xwe daye ber agir, agir di dilê xwe de kedîkirî. Bihara te pîroz be Amed, di destê zarokên te de kevir, navê leyîza vê carê mirin e Amed.
Ev der Amed e, bêhna barûdê lê hêwiriyayî, di destê zarokan de kevirên ji hêviya siberojê, di xewna leyîzekê de, di bin baran guleyan de. Ev der Amed e, zarok dikevin axê; bihara nû bi xwîna zarokan vedigeþe.
Ev der Amed e, di bin dûmana mirinê de destana zarokên rûqemer dinivîse, di tama leyîzekeke tamzarokî de. Ev der Amed e, serhildan e. Ev der Amed e, berxwedan e. Ev der Amed e, ji çarde kulîlkan re hembêz vekirî, di tama xewneke berbangê de xewiþî, di tama mirineke zaroktiyê de jihiþveçûyî, serî radike. Ev der Amed e, welatê destanan, Diyarê Biagir, keleha berxwedanê, yarîgeha zarokên sava ên ku bi kevir dileyîzin. Li vir gule bi ser bedenên sist û xav, kurpeyên sava, berþîrên ku di çirûska çavên wan de dinya tenê leyîzeke xweþ e de dadiweþin.
Ev der Amed e, serhildan e. Ev der Amed e, zarok bi kevir dileyîzin. Bihar dibiþkive, Amed xwîn didê. Zarok bi keviran dileyîzin di bin fîzina balefiran, tirpêna helîkopteran de, berikên biagir, gule bi ser wan de dibarin. Ev der Amed e, zarokên Diyarê Biagir bi guleyan re dileyîzin.
Ev der Amed e, ji duhiyeke birîndar þîr mêtiye, xwe di beden û sûrên qedîm de veþartiye, lê belê lê hilnehatiye, Amed ji sînorên xwe hilborî ye; li Sine, Efrîn û Suleymaniyê belav bûye; rehên xwe berdane, aj daye; Amed îro Kurdistaneke hiþyarbûyî ye.
Ev der Amed e, navê kuþtinê bûye zarokên sava, navê leyîzê bûye keviravêtin. Ev der Amed e, serhildan e. Ev der Amed e, berxwedan e. Ev der Amed e, kevirê bi destê zarokan.
Ev der Amed e, bûye Êlih, Qoser, Wan, Gever; Ev der Amed e, bûye destan, serhildan û kevirê bi destê zarokan. |
|
Kurdish
Turkish
Download
En Popüler
En İyi
Ekle
Yazdır
Yorum Ekle 
