Ev roj, berdewema pêvajoyeke ku berê hatiye destpêkirin û rojên derbasbûnê yên pêvajoya pêş ên di dîroka gelê me de bi tîpên zêrîn hatine nivîsandin in.

Rojên ku bi meşa Botanê dest pê kirin û di 21'ê adarê de gihîştin asta herî bilind mîna rojên Şoreşa Azadiyê wê di dîroka gelê me de cih bigirin pêwist e baş bên nirxandin û li ser wan bê rawestin.

Divê neyê jibîrkirin ku yên dixwazin mîmê bixin bin van rojên ku ji bo me gelekî girîng in. Serokomarê Tirkiyeyê Abdullah Gul hin derdorên li Tirkiyeyê hişyar kirin. Got "Tiştên li Newrozê tên jiyîn baş bişopînin." Ev rastî li ser me ferz dike ku em ji van rojên mîna Şoreşa Azadiyê tên binavkirin encamên rast derxin.

Li welatê me gel rabûye ser lingan. Mêtingerî ji aliyê siyasî û îdeolojîk ve têk çû. Li welatê me mêtingerî mîna zexta leşkerî hebûna xwe didomîne. Ji bilî vê nikare bahsa hebûneke mêtingeriyê ya li welatê me bê kirin. Ev jî tê wateya ku di qada civakî de li welatê me şoreşek pêk tê.

Şoreşa civakî şoreşa herî mayinde û têkneçûyî ye. Lê heger pêwistiyên vê yekê pêk bên wisa ye. Berevajî vê yekê zirardayina xwe ya şoreşa civakî jî mumkûn e.

Pêşveçûna, civakê bi serastkirina şoreşan, têkiliyên civakî yên hatine vekirin, têkiliyên nû ku li dewsa wan hatine danîn, mayinde dibe. Civaka ku têkilî û hebûna wê hatiye vekirin heger neyê nûkirin, valabûna ku derkeve holê dikare cihê xwe ji kaosê re jî bihêle. Her wiha dikare ji aliyên derdorên cuda ve bê dagirtin an jî derfetên vê yekê biafirin. Di dîrokê de gelek mînakên vê yekê hene.

Di dîroka têkoşîna me de jî pêvajoyeke bi heman rengî derkete holê û mîna gel gelek zirar ji vê yekê hate dîtin. Mîna Rêber Apo jî dibêje, "şoreşeke ku hatibû bidestxistin, ji dest hatiye revandin." Di destpêka salên 1990'î de li welatê me pêşveçûneke bi vî rengî pêk hat. Serhildanên gel ên xwe dispartin gerîla, bûn sedem ku gelê me şoreşa demokratîk bijî. Wê demê mêtingeran mîm xistin binê vê rastiyê û li hemberî gelê me dest bi êrîşan kirin. Pêşengên xwezayî yên di nava gelê me de yek bi yek hatin qetilkirin. Sazî û dezgehên demokratik rastî êrîşan hatin, bi sedan şoreşger û welatparêz hatin qetilkirin. Girtinên girseyî pêk hatin, gelê me bi zorê ji cih û warê wî hate kirin. Bi van êrîşên mêtinger û hovane pêşketina şoreşa demokratîk a gelê me dijî, hat astengkirin. Vê yekê jî ji bo gelê me valahiyeke mezin çêkir. Valabûna ku dekete holê jî ji aliyê hêzên mêtinger û ajan ve hate bikaranîn û dagirtin. Bi vê yekê re gelê me bi xetereyên mezin re rû bi rû hate hiştin. Bi van tenê jî bisînor neman. Îstîsmara olî pêk hat û di nava gelê me de dejenarasyon û rizîn hate afirandin û gelê me xistine rewşeke ku neyê naskirin.

Pêşveçûn û hemû tiştên hatin jiyîn yên piştî salên 1990'î, ji bo me mîna pêvajoyeke ku ders jê bên derxistin di nava dîroka têkoşîna me de cih girt. Pêwîst e careke din heman pirsgirêk dernekevin holê û tabloyeke bi heman rengî neyê ber me.

Pêwîst e bê zanîn ku em xwedî biryar in ku careke din em ê derfetê nedin ku pirsgirêkên di demên 1990'î de pêk hatin û hewldanên meşandina heman lîstikan pêk werin û em ê rê nedin ku heman tablo bê pêşiya me.

Rojên ku bi meşa Botanê dest pê kirin û bi 21'ê Adarê gihîştin asta zîrveyê ku Şoreşa Azadiyê pêk dihat, bûn rojên ku gelê me bibê îrade. Gelê me rewabûna xwe esas girt. Ev girîng e. Wekî ku ev xal girîng e, pêwîst e bi mîsogerî bê nîşandan ku careke din tiştên piştî salên 1990'î pêk hatin wê werin astenkirin. Di vê mijarê de divê gotinên Rêber Apo esas bêne girtin û pêwîstiyên wan bên bicihanîn.

Rêber Apo dixwaze gelê me bi têrîkirina xweser, rêxistinbûyîna ku xwe dispêre bingehê demokartîk yê dînamîkên xwe rêxistinbûyîna xwe berfireh bike. Dixwaze li ser bicihanîna pêwîstiyên siyaseta demokratîk bêne pêşwazîkirin. Balê dikişîne ser girîngiya Akademiyên Siyaseta Demokratîk. Di vê xalê de, dixwaze tiştên ku di salên 1990'î de nehatin kirin, wezîfeyê nehatin bicihanîn, pêwîst e pêk werin.

Niha şert û merc ji yên salên 1990'î cudatir in. Merc li gorî me ne. Çeperên ku bi têkoşînê hatine bidestxistin gelekî zêde ne. Pirsgirêk dîtina van û li gorî pêwîstiya van bersivbûyîn e.

Rêber Apo destnîşan dike ku bi siyaseta demokratîk gel dibe rêveberê esasî yê siyasetê. Siyaseta hemberî gel, di dema em gihîştinê de bêhtir zirarê didê. Ji ber vê yekê jî, Akademiyên Siyaseta Demokratîk ne ji bo gihandina parlamenter an şaredaran e, ji bo gelemperîkirina siyasetê û xizmetdayina gel tên wateya pêwîstiya fêrbûna siyasetê.

Li welatê me ku mêtingerî tenê dikare bi zora leşkerî hebûna xwe bidomîne, pêşxistina şoreşa azadiyê ya gelê me tenê bi vê yekê dikare pêk were. Gel dê li derveyî dewletê demokrasiya xwe saz bike. Li ser vê bingehê kadroyên ku xizmetê bidin gel jî wê li Akademiyên Siyaseta Demokratîk xwe amade bikin.

Şoreşa Azadiyê ku ji meşa Botanê dest pê kir û di 21'ê Adarê de gihîşt zîrveyê, bi vê yekê dikare bê pêşxistin û bi bicîhanîna pêwîstiyên şoreşa ku di qada civakî de em dijîn dê bên bicihanîn û serkeftin bê bidestxistin.