Roja ku hevdîtina Îlker Başbug û Recep Tayyip Erdogan pêk hat, pora Rêber Apo gûzan kirin. Me nirxandibû ku gûzankirin û kurkirina pora Rêber Apo ji aliyê polîtîk ve tê çi watayê. Îlker Başbug û Erdogan di hevdîtina pêk anîn de li hev kirin. Ev hevdîtin dikare mîna nûkirina hevdîtina li Dolmabahçeyê ya di navbera Erdogan û Yaşar Buyukanit û peymana li ser li hev kiribûn jî bê nirxandin. Bingehê peymana li Dolmabahçeyê çewisandin-perçiqandina Tekoşîna Azadî û Demokrasiya Kurd bû. Sedema bingehîn a hevdîtina Îlker Başbug û R. T. Erdogan jî ev rastî ye. Ji ber vê yekê jî, di roja pêkhatina hevdîtina di navbera Îlker Başbug û Erdogan de peyam tê dayîn ku bi gûzankirina pora Rêber Apo, biryara têkbirina hêzên Azadî û Demokrasiya Kurd didome.

Bi gûzankirina pora Rêber Apo, peyama “Em ê koka we bibirin” hatiye dayîn. Ev bi rengekî vekirî û zelal xuya ye. Bi biryara Dadgeha Destûra Bingehîn a negirtina AKP’ê re praktîzekirina vê polîtikayê mîna wezîfe dane hikûmeta AKP’ê. Rastiya ku dê rêveçûna pêşketinên siyasî yên dema pêş diyar bike ev rastî ye.

Tevî vê yekê jî pêşketinên siyasî yên li Tirkiyeyê jî rastiya heyî cuda tên nîşandan. Tê xwestin raya giştî bê xapandin û li hemberî Têkoşîna Azadî û Demokrasiya Kurd tê sorkirin. Mîna ku di navbera AKP û Ergenekonê de lihevkirinek ne hatiye kirin tê nîşandan. Bi vê tê xwestin bê nîşandan ku AKP’a qaşo li hemberî Ergenekonê ‘serkeftî!’ bû, dê di tunekirina Têkoşîna Azadî û Demokrasiya Kurdistanê de jî serkeftî be. Tê xwestin baweriyeke bi vî rengî di nava raya giştî de bidin peydakirin. Bi giştî li gorî hedefa rejîma şerê taybet daniye ber xwe û tevahî bi şêwazekî demagojîk tê meşandin.

Hin derdorên ku bi rejîma şerê taybet re bûne yek û ji bo gihîştina vê armancê tevdigerin lê xwe cuda nîşan didin jî hene. Ev jî ew derdorên ku yên têkiliya wan bi rejîma şerê taybet re heye. Ev derdor ji niha ve ketine tevgerê. Ev derdor negirtina AKP’ê mîna destkeftiyekê nîşanî raya giştî didin. Dixwazin nîşan bidin ku yên di şerê di navbera AKP’ê û Ergenekonê de nebin alî, nebin yedekê van hêzan mîna hedef nîşan didin. Ji van hedefên tên nîşandan jî Tekoşîna Azadî û Demokrasiya Kurd di serê lîsteyê de ye. Bi vê yekê re dibin parçeyek ji dorpêça ji bo têkbirin û tunekirina Tekoşîna Azadiya û Demokrasiya Kurd a ji aliyê Îlker Başbug û Erdogan ve hatiye plankirin.

Di nava vê nîzîkahiyê de lîstikeke gelek xeter heye. Tê xwestin ji raya giştî re bê nîşandan an bidin qebûlkirin ku perçiqandina Têkoşîna Azadî û Demokrasiya Kurd tiştekî mafdar e. Ev nêzîkahî xwedî potansiyeleke wisa ye ku gelek xetereyên mezin di nava xwe de dihewîne. Dixwazin di nava raya giştî de têgiştineke mîna, ‘Çi bi Têkoşîna Azadî û Demokrasiya Kurd were kirin rewa ye’ bidin ferzkirin. Bi biryara Dadgeha Destûra Bingehîn a têkildarî AKP’ê de em ketine pêvajoyeke bi vî rengî. Divê ev rasî baş were fêmkirin. Tevî vê yekê divê bi tiştê tê nîşandan û tê xwestin deng vedin jî kes nexape. Dê tu feydeya AKP’ê negihije demokratîkbûna Tirkiyeyê. Berovajî astengiyeke cîdî ya li pêşiya demokratîkbûna Tirkiyeyê ye.

Wezîfeya parastina rejîma şerê taybet ya li ber têkçûnê dane vê partiyê. Her kî îdîa bike ku partiyeke bi vî rengî dê sûdê bide demokratîkbûna Tirkiyeyê, ew raya giştî dixapîne.

Divê ji aliyê herkesî ve bê zanîn ku rejîma şerê taybet astengiya herî mezin a li pêşiya demokratîkbûna Tirkiyeyê ye. AKP partiyeke ku polîtikayên vê rejîmê têxe jiyanê. Ji ber vê yekê jî her kî îdîa bike ku AKP wê feydê bide demokratîkbûna Tirkiyeyê û pêwistiya destekdayîna AKP’ê îdîa bike, divê bê zanîn ku ew bi tevahî di bin xizmeta rejîma şerê taybet de ye. Her wiha dijberê demokrasî û gel e. Li gorî vê rastiyê, yên xwedî nêzîkahiyên bi vî rengî divê wisa bên dîtin û nirxandin. Di pêvajoya ku rejîma şerê taybet ji her eniyê ve ketiye êrîşê û dorpêçê kurtir dike de, berxwedana li hemberî vê û têkoşîna werê dayîn jî li gorî van rastiyan şêwaz û rengê xwe digire. Divê ev yek rast were fêmkirin û li gorî vê yekê nêzîkahî bê nîşandan.

Helwesta li dijî îşkenceyê ne bes e

Me gotibû ku gûzankirina pora Rêber Apo, birîna koka kurdan e. Gûzankirina pora Rêber Apo, gaveke di vê çarçoveyê de hatiye avêtin e. Rastiya, ‘Nêzîkbûna ji bo Rêber Apo, nêzîkbûna ji bo gelê kurd e’ jî vê yekê piştrast dike. Di vê çarçoveyê de bi gûzankirina pora Rêber Apo re, li dijî vê pêkanînê nerazîbûna kurdan, helwesteke pêwist e ku were nîşandan e. Gelê kurd ev nerazîbûna xwe bi jiyîn û hîskirina neheqiya li hemberî Rêber Apo nîşan daye. Ji ber vê yekê jî di pêvoya destpêkê de mêr, jin tevan bi kurkirina pora xwe helwesta xwe nîşan daye. Ev nêzîkayî heta cihekî dikare were fêmkirin û xwedî naverokeke watedar e. Lê belê nêzîkahiyeke bi kurkirina porê bi tenê, helwesteke ku bi tu awayî nayê qebûlkirin e.

Li hemberî kurkirina pora Rêber Apo ku tê wateya birîna kokê, tenê bi kurkirina pora xwe nîşandana nerazîbûnê têrê nake. Bi taybetî jî bi sînormayîna ciwanan a çalakiyên bi vî rengî bi tu awayî nayê qebûlkirin. Merheleye duyemîn a pêngava Êdî Bes e jî helwesteke çalaktir ferz dike.

Di merheleya duyemîn a pêngava Êdî Bes e de hedefên mezin hatine destnîşankirin. Ev hedefên mezin jî biryarbûn û helwesteke pir bi hêz dixwaze. Dawîlêanîna îşkenceya li Îmraliyê, rakirina tecrîta li ser Rêber Apo, parastina tendurîstî û azadiya Rêber Apo mîna hedef hatine destnîşankirin. Divê were zanîn ku tenê bi kurkirina porê xwegihandina van hedefên mezin ne mimkûn e. Di vê noqteyê de bi çalakiyên ku merheleya duyemîn a pêngava Êdî Bes e karibe pêşwazî bike û helwesteke li gorî vê yekê divê meyla nerazîbûnên heyî were diyarkirin. Bi vî rengî destnîşankirina nêzîkahiyê, tê wateya helwesta li hemberî tiştên li Tirkiyeyê di demên pêş de werin jiyîn.