AKP û Artêşa Tirk
Ji Bo Şerekî Nû Amadekariyan Dikin

Dewleta Tirk ya zordar û dagirker di tûnekirina gelê Kurd û partiya çareserî û demokrasîxwaza gelê Kurd PKK ê de bi îsrare. AKP û artêşa Tirk li aliyekê têkiliyên xwe bi dewletên cîran yên wekî Tirkiye, Îran, Surî û Êraqê re kû destê wan di parçekirina Kurdistanê de hebû fireh dike. Li aliyê din jî li Êraqê dixwaze têkiliyên xwe bi herdû partiyên Kurd; PDK û YNK’ê re xort bike û cardin bike hevkarê xwe û dinava gelê Kurd de carek din şerê birakûjî û navxweyî bide despêkirin. Li aliyekê jî têkiliyan xwe bi Emerîka û Ewrûpa re jî ber bi astek herî bilind ve dikişîne. Li aliyê din jî, ji bo kû bikare bi awayekî hêsan PKK ê tûne bike çekên giran dikire û ji bo operasyonekî nû dest bi amadekariyan dike. Ji xwe serfermandarê artêşa Tirk Yaşar Buyukanit bû emeklî û İlker Başbuğ hat cihê wî. Destê Başbuğ bi xwejî di şerê qirêj û gemar yê kû li Kurdistanê bi salan tê meşandin de heye. Başbuğ dixwaze ew karên kû Büyükanit ne kariyî bike û valetiyên kû jiyan kirî, cihê wan dagire û li himberî tevgera gelê Kurd ya azadîxwaz, operasyonek nû di demek nêzîk de bide despêkirin. Ev operasyon çi qas wê bi serkeftîbe ne diyare, lê diyare kû wê ji operasyonên berê cudahiyek ya wê hebe, dixwaze ew xetayên kû di şerê Zap ê de kû dibin serkêşiya Yaşar Büyükanit de hatîn kirin carek din neyên dubarekirin. Bi vê armancê dewleta Tirk ya dagirker û kevneperest dixwaze carek din êrîşên li dijî gel û PKK ê bixe astekî nûde. Ji xwe dewlet, artêş û AKP ne di wê bawerî û zanînê deye wê rastî kîjan berxwedana gerila û gelê Kurd bê. Pêwîste dewlet vê yekê baş bizane kû wê vê carê jî wekî Zap ê bi sernekeve û carekî din wê patika xwe bi xwerênin û serê xwe ji şerm û eybê biçemînin. Lê mixabin AKP û artêş ne di vê zanînê deye. Di wê baweriyêdene kû wê vê carê dawî li gerîla bênin û PKK ê tûnebikin. Carekî din AKP û artêş dest bi xwendina çîrokên kevin dikin û dixwazin carek din bi agir bileyîzin û ji nû de dest bavêjin mêhtina xwîna gelê Kurd.

Dewleta Tirk ji 14 ê Tebaxa 1984 an heya roja îro li himberî PKK ê bi hezaran operasyon da meşandin, çend caran operasyonên li derveyî sinor li himber PKK ê bi hevkariya partiyên Kurd yên li başur PDK û YNK ê da birêvebirin. Lê di şerê 24 salan de dewleta Tirk ne karî PKK tûne bike û ji PKK ê derbeyên giran xwar. Li himberî van derbeyên kû dixwe jî, hîna di tûnekirina PKK ê de bi îsrare. Di şerê 24 salan de, artêşa Tirk bi hezaran kûştî û birîndar dan. Li himberî vê yekê êdî dewletê ne karî li dijî gerîlayên Kurd şer bi awayê kû hêvî dikirin, bi ser bêxin û serkeftin bi dest nedixistin. Ji ber vê yekê dest avêt listikên xwe yên qirêş û gemar û bi hezaran gundên Kurdan da valekirin, bi hezaran mirov serwinda kirin û hîna agahiya kesê ji wan kesan nîne. Bi hezaran kes xiste di zîndanê de û hîna zîndanên dewlata Tirk ji girtiyan tejîye. Bi milyonan Kurdên bê guneh neçarî koçberîyê kirin...

Niha jî rojane ji firokexaneyên Amedê balefirên şer yên artêşa Tirk radibin, başurê Kurdistanê û herêmên parastinê yên medya bombe baran dikin. Li bakurê Kurdistanê jî bênavber bi arîkariya cerdevan û hezaran leşkerî operasyonan dide meşandin. Di van operasyonan de herî zêde gelê herêmê zerar û ziyanê dibîne. Dîsan di van operasyonan de dewleta Tirk ya kû destê wê di mêhtina xwîna Kurdan de heyî darbeyên giran dixwe û windayîyên mezin dide. Dewleta Tirk ya kû li rastî berxwedana gerilayan ya bê hempa tê windayîyên xwe ji raya giştî û Tirkiyê vedişêre.

Diyare kû eger vê carê dewleta Tirk ya kû AKP û artêşê li ser tunekirina PKK ê li hevkirî şerekê bide meşandin, wê li rastî berxwedana gerîla û gelê Kurd bê û carek din wê windahiyên mezin bide. Ji xwe hat îspatkirin artêşa Tirk di şerê Oremar, Bêzel û Zap ê de bi serneket. Her wiha eger carek din operasyonek mezin li himberî PKK ê bide meşandin, vê carê wê şerên dijwar li metrepolên Tirkiyê bê despêkirin. Di herdû teqînên van rojên dawî yên li İzmîr û Mêrsîn ê de hat diyarkirin eger operasyonek nû bê despêkirin wê bedelên mezin jî bên dayîn. Mirov dikare van herdû êrişan wekî gavek despêkê ya şerê li metrepolan şîrovebike. Şerê kû bi salane li çiyan tê meşandin hêdî-hêdî berbi bajarên Tirkiyê ve tê meşandin.
Li himberî van buyeran hemuyan herî zêde di van demên dawî de erk û rolên mezin dikeve li ser milê ciwan û dayîkên Kurd. Ji aliyekê ve pêwîste li bajarên Tirkiyê dest bi çalekî û xwepêşandanên nû bikin, ji aliyê din ve jî pêwîste tevlîbûna ciwanan ya ji bo hêzên HPG ê bê çêkirin. Pêwîste ji nû de li her çar parçeyên Kurdistanê û dervey welat meş û çalekî bên organîzekirin û gelê Kurd ji duwemîn pêngava ÊDÎ BESE! re bibin bersiv. Di vê êdî li her çar parçeyên Kurdistanê û derveyî welat jî gelê Kurd bi yek dengî û bi hevre ji zilm, zordarî, dagirkerî, bê nasnameyî, bê zimanî û ji îşkenceya kû li Îmralî tê meşandin re bêjin ÊDÎ BESE! Li himberî van êriş û bêdadîya AKP û artêşa Tirk gelê Kurd li her derê rabin ser piyan, ji viya zêdetir jî pêwîstiya gelê Kurd bi yekitiyekî netewî heye.