| |
| Eklenme Tarihi: 15.09.2008 Saat: 19:05 |
|
|
Tê gotin, “finda derewînan heta razanê pêketî ye”. Di biwêja gel de wisa tê gotin. Ev biwêj ji her aliyê xwe ve rastiya AKP’ê rawe dike. Di demên dawî de rojeva Tirkiyeyê bi skandalan diheje. Guftugoyên di navbera Serokê Giþtî yê AKP’ê R.T. Erdogan û xwediyê Holdîng a Dogan û patronê medyayê Aydin Dogan de niha di rojeva gel de ne. Guftugo û nakokiyên di navbera R.T.Erdogan û Aydin Dogan de ev qasî me eleqedar nakin, her wiha pêwt nake ku di vê nakokiyê de em bibin alî.
Rojnameyên girêdayî holdîng a Dogan, doza der barê nelirêtiya têkildarî komeleya ‘Denîz Fenerî’ derdixin pêþ. Aliyekî doza der barê komeleya ‘Denîz Fenerî’ de jî digihe televizyona Kanal 7 û serokê RTUK’ê yê niha Zahît Akman.
Têkiliya televizyona Kanal 7 û Serokê RTUK’ê ya bi AKP’ê re tê zanîn. Ji ber vê yekê jî doza nelirêtiyê ya der barê komeleya ‘Denîz Fenerî’ de hatiye vekirin, di heman demê de tê wateya dozeke ku li dijî AKP’ê hatiye vekirin. Sedema bingehîn a þerê di navbera R.T.Erdogan û Aydin Dogan de jî ev rastî ye.
Doza der barê komeleya ‘Denîz Fenerî’ de ne nû ye. Li dijî komeleya ‘Denîz Fenerî’ beriya 2 salan li Almanyayê lêpirsîn hate destpêkirin piþtî vê lêpirsînê doz hate vekirin û heta niha berdewam kir. Yanî ev 2 sal in der barê mijarê de darizandinek di rojevê de ye û ev mijar di asta raya giþtî de tê guftugokirin. Çi hikmet e ku ev tevî ku ev 2 sal in lêpirsîn û darizandin didome, li Tirkiyeyê nû nû ev tê rojeva raya giþtî. Ev yek jî piþtrast dike ka Aydin Dogan vê yekê bi kîjan mebestê tîne rojevê. Mîna di serî de jî hate destnîþankirin pirsgirêka di navbera R.T. Erdogan û Aydin Dogan de bêhtir wan bi xwe eleqadar dike. Tiþtê ku li vir me eleqedar dike rola bêoxir a AKP’ê û komeleya ‘Denîz Fenerî’ ye.
Di serê polîtikayên ku rejîma mêtînger û înkarvan li dij gelê me bikar tîne di serî de nêzîkatiya bi birçîbûnê terbiyekirin heye. Mirov dikare bêje gelê me muxtacî pariyek nanî kirine. Bi vê yekê jî mebest ew e ku gelê me bê îrade bê hiþtin û teslîm bê girtin. Di nava partiyên ku vê polîtikayê li welatê me li hemberî gelê me bikar tînê jî di serî de AKP tê. AKP’ê vê polîtikayê bi riya qaþo Rêxistinên Civaka Sivîl ên xistine dewrê û mîkrokrediyan dimeþîne. Hêzên mîna cemaeta Fetullah Gulen xwedî pozîsyoneke çalak in û rolê dileyîzin. Di nava qaþo ‘Rêxistinên Civaka Sivîl’ ên di bin bandora AKP’ê û cemaeta Fetullah Gulen de Komeleya ‘Denîz Fenerî’ cihekî girîng digire.
Qaþo Rêxistinên Civaka Sivîl ên mîna ‘Denîz Fenerî’ weke komeleyên ‘xêrxwaz’ têne naskirin û bi rengekî xurt reklama wan tê kirin. Reklama saziyên bi vî rengî bêhtir ji aliyê televizyonên oldar ên sexte yên mîna Samanyolu ve tê kirin. Tê gotin ku ev komeleyên sexte û îstîsmarvanên olê çiqasî ji olê re rêzgirtî ne û xêrxwaz in. Lê belê niha aþkera bû ku tev sextekar û xapînok in û çawa xizaniya gel bikar tînin û li ser vê yekê ranteke çendî mezin bidest dixin.
Di rastiyê de aþkerabûna sextekariya saziyên bi vî rengî, di heman demê de tê wateye aþkera bûna sextekariya AKP’ê û cemaeta Fetullah Gulen. Gelê me vê rastiyê dibîne û destûrê nade ku lîstîkên bi gemar ên îstîsmarî li ser werin lîstin. Beriya niha jî AKP û cemaata Fetullah Gulen xwest bi îstîsmarkirina hestên gelê me yên olî xwestin encamê bidest bixin. Di cejnên qurbanê de goþtên ji bo qurbanê û hin berhemên xwarinê bi navê diyariyên cejnê hatibûn belavkirin. Niha bi rengekî pir zelal aþkera bû ku ev tiþtên hatine belavkirin tenê û tenê ji bo xapandinê hatine belavkirin. Rêjeyeke gelekî mezin a pere û tiþtên ji bo gel hatine berhevkirin û pêwîst e li gel bêne belavkirin xuya dike. Bi gotineke din ji bo pereyên desteser kirine veþêrin rêjeyeke gelekî biçûk ji van hatiye belavkirin.
Rûyê rast ê AKP’ê , cemaeta Fetullah Gulen û saziyên têkildarî wan derketiye holê. Gelê me ku bi feqîrbûnê dixwazin mehkûmî birçîbûnê bikin, bi belavkirina kurtêlan dixwazin bi sîstema mêtînger a înkarvan ve girêbidin. Ev polîkayeke gelekî xirab e; hem mirovan mehkûmî birçîbûnê dikin, hem jî vê rewþa ku ew bi xwe bûne sebeb bikar tînin û dixwazin mirovan li ber deriyê xwe bikin kole. Ev polîtikayeke derveyî mirovahiyê ye.
Em di meheke ku ji bo gelê me pîrozwer de dijîn. Piraniya gelê me ji bo bicih anîna vê wecîbeya olî bi rojî ye. Em jî meha remezanê li gelê xwe pîroz dikin û hêvî dikin ku ji bo welatê me bibe wesîleya xêrê û encamên erênî bi xwe re bîne. Bi boneya vê mehê em careke din bibîr tînin ku pêwîst e mîna demên borî niha jî derfetê nedin îstîsmarkirina hestên xwe yên olî ku pîroz dibînin û li hember derdorên ku dixwazin vê yekê bikin bibin xwedî helwest û tedbîrên xwe bistînin.
Têkildarî komeleya ‘Denîz Fenerî’ û têkildarî vê yekê; mîna di doza nelirêtî û sextekariya ku navê Serokê RTUK’ê û televizyona Kanal 7 derbas dibe. Têkiliya AKP û cemaata Fetullah Gulen û hemû saziyên girêdayî van careke din rûyê rast ên van hêzan nîþan da. Gelê me beriya niha ketibû cudahiya vê rastiyê, bû xwedî helwest û ev helwesta xwe gelek caran nîþan da. Ji niha û pêde jî vê helwesta xwe nîþan bide.
|
|
 Yazdýr  Yorum Ekle
(Not: Yorum sadece üyeler tarafından yazılabılınır. Yazılan yorumlar yönetim tarafından onaylanmak için beklemeye alınıyor.) |
|
|
|
 |
| |
|
Kurdish
Turkish
Download
En Popüler
En Ýyi
Ekle
