AMED (DÎHA) - Dadgehê, di doza Şaredarê Yenîşehîrê yê berê Firat Anlî ya ji ber ku di cejnê de bi kurdî pankarta "Cejna We Pîroz Be" hatibû vekirin de, li aliyekî biryarekî emsal da, li aliyê din jî israrar nasnekirina kurdî domand. Dozger di danişînê de diyar kir ku tîpên kurdî jî wekî tîpên tirkî latînînîne, loma ev yek nabe sûç, dadgehê jî li ser vê yekê der barê Anli de biryara beraetê da.

Der barê Şaredarê Yenîşehîrê yê berê Firat Anli de ji ber pankartên kurdî ya "Cejna We Pîroz Be" ku di cejnê de hatibûn daliqandin, bi hinceta "Muxalefeta kanuna tîpên tirkî û kanûna şewqe" kirine, doz hatibû vekirin. Di danîşîna biryarê ya dozê de dadgehê ji bo înkarkirina zimanê kurdî formulekî nû peyda kir. Dadgehê zimanê kurdî dîsa wekî zimenekî nedît, bi tenê ji ber tîpên kurdî jî wekî tirkî latîniye der barê Anli de birayar bereatê da.

Danişîna doza Anli bi tevlibûna Anli û parêzerên wî, Serkan Akbaş, Suleyman Kaya, Cîhan Aydîn, Meral Atasoy, Mesut Beştaş li 7'emîn Dadgeha Cezayê Giran a Amedê, pêk hat. Anli, di dadgehê de parastin kir û diyar kir ku helwesta li hemberî kurdî cudakariye û nayê qebûlkirin. Piştî parastina Anli, dozger mutaala da û xwest ji ber ku tîpên kurdî bi latînîne sûç pêknehatiye û Anli bê beraetkirin. Dadgehêjî bi heman hincetê Anli beraet kir.

Parêzerên Anli jî biryar nirxandin û gotin ku ev doz jî nîşan dike ku li Tirkiyeyê hêj li ser kurdî qedexe û pêkûtî hene.

STENBOL (DÎHA) - Hevserokê DTP'a hate girtin û siyaset lê hatiye qedexekirin Ahmet Turk, diyar kir ku ziyareta heyeta wan a Herêma Kurdistana Federal gelek erênî derbas bûye. Turk, têkildarî Konferansa Kurd de jî wiha got: "Ger ku kurd di nava xwe de bi hev bişêwirin û bigêjin çareseriyek hevbeş, wê demê dê kurd di qada çaraseriyê de bêtir serkeftî bin."

Heyeta BDP'ê ya ji Hevserokê DTP'a hate girtin û siyaset lê hatiye qedexekirin Ahmet Turk, Aysel Tugluk a siyaset lê hatiye qedexekirin, Parlementerê BDP'ê yê Êlihê Bengî Yildiz. Hevseroka KCD'ê Yuksel Genç û Endamê PM'ê ya BDP'ê Fethî Gumuştaş pêk dihat, piştî ziyareta xwe ya 3 rojan ji Herêma Kurdistana Federal vegeriyan Tirkiyeyê. Piştî vegera Herêma Kurdistan a Federal Hevserokê DTP'a hate girtin Ahmet Turk, der barê ger û ziyareta xwe de ji ajansa me DÎHA'ye re axivî. Turk, der barê Konferansa Neteweyî ya Kurd, nûnertiya BDP'ê ya Hewlerê û hevdîtina bi Serokê Herêma Kurdistanê Mesut Barzanî û Serokwezîr Berham Salîh re axivî. Turk, diyar kir ku di pêvajoya ku çareseriya pirsgirêka kurd a pir hesas û heri zêde pêdivî bi aştiyê heye de hevdîtin çêkirine. Turk, destnîşan kir ku li ser stratejiya aştiyê re bi Serokê Herêma Kurdistanê Mesut Barzanî û Serokwezîr Berham Salîh re hevdîtin pêk anîye û hevdîtinên wan erênî derbas bûye.

'Divê berê em di nava xwe de niqaş bikin'

Turk, diyar kir ku berî her tiştî pêdiviyê bi niqaşa hundir dibînin û ji ber vê yekê dixwazin berî her tiştî kurd di nava xwe de bigêjin çareseriyek hevbeş û rast. Turk, anî ziman ku divê berî her tiştî kurd projeya çareseriyê ya hevbeş ava bikin û li gorî wê xebaten xwe bimeşînin. Turk, da zanîn ku ji bo vê projeyê jî pêdivi bi diyalog û niqaşa navxweyî heye. Turk, derbirî ku pêdivî stratejiya aştiyê heye û li ser vê yekê Barzanî û Salîh erênî nêzîkî mijarê bûne.

'Nûçeyên der barê ziyaretê de ji rastiyê dûr in'

Turk, destnîşan kir ku ev hevdîtina wan a bi Mesût Barzanî û Berham Salîh a li ser berpirsiyariya çareseriya pirsgirêka kurd û stratiya aştiyê gelek erênî derbas bûye. Turk, nûçeyên di çapemeniya tirk de hatine weşandin jî rexne kir û bil^Fev kir ku nûçeyên der barê hevdîtina wan de neyînî natine weşandin ji rastiyê dûr in. Turk, daxuyand ku her kes dê li gorî hêza xwe û berpirsiyariya xwe peyvira xwe bi cih bîne. Turk, bibîrxist ku di bernameya wan de hevdîtina bi Serokomarê Iraqê Celal Talabanî re jî hebû, lê ji ber Talabanî li Bexdeye bû hevdîtin pêk nehat. Turk, daxuyand ku plan dikin ku di nava meha tebaxê de hevdîtinê bi Serokomar Talabanî re pêk bînin.

'Provokasyon dê birînên civakê kur bikin'

Turk, bûyerên li navçeyên Dortyol û Înegolê li dijî kurdan pêk hatin jî nirxand û destnîşan kir ku bûyerên provokasyonên pêk tên dê birînên civakî kurttir bikin û xwest her kes li hemberî van lîstikan hişyar bin. Turk, helwesta hikûmet ya li hemberî bûyerên civakî jî rexne kir û anî ziman ku hikûmet fikar û hişyariyên wan li ber çavan nagire û ji ber vê yekê ev bûyerên bi vî rengî pêk tên. Turk, daxuyand ku ew dê wekî kurdekî her tim ji bo rê li pêşiya bûyerên bi vî rengî bigre di nava hewldanan de be û xebatên aştiyê bimeşîne. Turk, bang li hemû aştîxwaz û demokratan kir û xwest her kes li hemberi bûyerên birîna civakê kur dike raweste.

'Pir sivik nêzîkî bûyerê bûn'

Turk, nêzîkatiya hikûmeta AKP'ê ya li hemberî bûyeran rexne kir û wiha got: "Hikûmet bûyerê sivik û ji rêzê dibîne. Ji bo çareseriya pirsgirêka kurd jî ne di nava hewldanên çareseriyê de ye. Ev pêvajoyek pir tevlihev û aloz e. Lê dîsa ez bawer dikim ku dê rojekê pirsgirêk çareser bibe. Lê ya mûhîm divê bêyî ku pirsgirêk mezin bibin û êş giran bibin pirsgirêk bi riya aştî û diyalogê çareser bibin. Ji ber pirsgirêk, pirsgirêka maf û azadiyê ye."

En ne mecbûrin piştgiriyê bidin hêzên serdest

Turk, der barê referandûma makezagonê de jî nerînên xwe bi van hevakan anî ziman: "Îro her kes li ser mexdûriyetê polîtîkayê dimeşîne. Lê kes nikare bêje em bi qasî kurdan mexdûr bûne. Mixabin heta niha tu kesî negotiye ji bo mexdûriyeta kurdan rabe çi hatiye kirin? Ji ber vê yekê em ne mecbûrin piştgiriyê bidin hêza serdest. Armanca me em hêzê têxin destê gel. Ji ber daxwazên azadiya civakê û daxazên kurdan nayên qebûl kirin em dê boykot bikin.

Li Geverê koma duh heta derengiya şevê xwepêşandan li dar xistin, piştî çalakiyê belavok belav kirin û ragihandin ku wan navê 11 taxên Geverê guhertiye.

Ciwanên ku xwe bi navê “Hêzên Parastina Cewherî ya Gerverê” dan nasîn, heta derengiya şevê li ser şeqamên Geverê barîkat danîn û meş li dar xistin. Ciwan li ser hewldanên BDP’iyan jî belav nebûn. Piştre jî riya bejahî ya Gever-Wanê girtin.

Ciwan piştre çûn taxa Esentepe ku ciwanan navê wê kiriye Şehîd Bêrîtan, li wê derê de agir vêxistin û çalakiya xwe berdewam kirin. Ciwanan di çalakiyê de diruşmeyên “Bijî Serok Apo”, “PKK gel e, gel li vir e”, “Gelê Kurd li dijî zextan bêdeng namîne” qêriyan û belavok belav kirin.

TAXA ESENTEPE BÛ TAXA ŞEHÎD BÊRÎTAN

Ji beriya ciwan belavokan belav bikin daxuyaniyek dan û diyar kirin ku êdî wan Taxa Esentepe herêma Xweser û herêma Sor îlan kiriye. Her wiha ciwanan ragihand wan heta derengiya şevê li taxê nobet girtiye û nehêlaye leşker û polîs têkevin taxê.

Ciwanan diyar kir ku jibo li taxên din xweseriyê îlan bikin, dest bi xebatê kirine û gotin: “Me ji beriya niha navê taxa Esentepe kiriye Şehîd Bêrîtan û Xweserî lê îlan kiriye”.

NAVÊ TAXÊN DIN YÊN HATÎN GUHERTIN

Di daxuyaniyê de “Me ji wê rojê û şun ve nehêlaye polîs têkevin hindirê taxê. Em weke Hêzên Parastina Cewherî, ji niha û pêve, me van navan li taxên Geverê dikin: Taxa Yeşildere (Taxa Şehîd Eşref), Orman (Şehîd Egîd), Gungor (Şehîd Mazlum), Yeni Mahalle (Şehîd Jiyan), Cumhuryet (Çarçela) Dize (Şehîd Îslam), Îpek (Zerzan), Kaniheyder (Zap), Kişla (Baz). Em di demek kin de li van taxan Xweseriyê îlan bikin” hat gotin.



ANF NEWS AGENCY

COLEMÊRG- - Ciwanên Geverê xwe di bin navê “Yekîneyên Parastina Xweser” de rêxistin kirin û bi şevê li kuçe û kolanên Geverê nobetê digrin.

Piştî hewldanên lînckirinê ku nijadperestan yên 28'ê Tîrmehê li navçeya Hatay Dortyolê li hemberî Kurdan pêk anî, ciwanên Geverê ketin nava hewldanê parastina cewherî. Ciwanê Geverê di bin navê “Yekîneyên Parastina Xweser” de bi rêk xistin û şevê nobetê li navçeyê digirin.

Ciwanan, anî ziman ku wan li taxê xweserî îlan kiriye û destûr nadin ku kesên biyanî têkevin taxê. Ciwanan, da zanîn ku ew destûr nadin polîs têkevin taxê. Li aliyê din jî polîsan li gelek nokteyên navçeyê panzer bi cih kirin û tedbîrên ewlehiyê zêde kirin. Ciwanan, li taxê belavok belav kirin û diyar kirin ku wan navê taxê wekî "Taxa Şehît Berîtan" guhertiye.



ANF NEWS AGENCY

TEHRAN - Mehdî Kerûbî ku yek ji namzetên ku ji encamên hilbijartina serokomariyaê nerazi ye, bi nameyekê rexneyên hişk li sekreterê Şûraya Nîgaban Ehmed Cenetî kirin got, Cenetî şirîkê diziya dengê gel yên ku hatin windankirin e.

Li gor malpera Seham News ku nêzîkî Kerûbî ye, wî her weha daye xuyakirin ku ew bi vê nameya vekirî, giliyê Cenetî li ber dadgehan dike.

Hate gotin ku Kerûbî di nameyeke xwe de ku beriya niha ji Cenetî re şiyandiye gotiye: “Heta tu îdîayên xwe yên têkildarê wergirtina alîkariya pereyan ji Amerîka de bi belge piştrast nekî, li her cihî ez ê behsa derew û riswayên te bikim”.

Ehmed Cenetî roja sêşemê li bajarê Qûmê îdîa kiribû û gotibû: “Amerîkiyan di ser Erebistana Siûdî re yek miyar dolar dane rêberên fitnê û ji wan re gotin ku heger ew bikaribin sîstema Îranê hilweşînîn ew dê 50 miyar dolarî din jî bidin wan”.

Kerûbî ku bersivek hişk da îdîayên Cenetî û ew wekî gotinên bê esas û bi mebesta afirandina nîfaqê binavkirin got: “Cenabê Cenetî! Ew a ku hun wekî fitnê bi nav dikin, hilbijartinek bû ku wekî her car ji aliyê we, Şûraya Nîgaban û Wezareta Navxweyî ve, di odeyên saziya hilbijartinan de mudaxele lêbû”.

Kerûbî di daxuyaniya xwe de got, heger ez gelac û fitneger im, ji ber ku ez nerazî me, lê hun şirîkên diziya dengê xelkê û hevalbendên vî karwanî ne. Rola we ya di buyerên berî û piştî hilbijartinan eşkere ye û ji Ehmed Cenetî xwest ku ew tobe bike û ji xelkê Îranê lêbûrîna xwe bixwaze.



ANF NEWS AGENCY

Kadri Demir, yakılan Dörtyol BDP binasında Genel Yayın Yönetmenimiz Filiz Koçali'ye konuştu: 'Bu kokuyu tanıyorum. Kolay yansın diye duvarlara ilaç sıkmışlar, bizim köyü de böyle yakmışlardı, aynı koku'